Turmush — Нарын облусунун Жумгал районунда 3 бала бакчанын директорлору кызматтарынан кетишти. Бул тууралуу райондук билим берүү бөлүмүнөн билдиришти.

Алсак, Миң-Куш айыл өкмөтүнө караштуу Өрнөк айылындагы «Сайнап Уултай» бала бакчасынын жетекчиси Калия Сомташова, Чоң-Дөбө айылындагы «Азамат алтын балалык» бала бакчасынын директору Гүлбайра Огомбаева жана Чаек айыл өкмөтүнө караган Көк-Ой айылындагы «Күн желеси» бакчасынын директору Жибек Эркинбек кызы кызматтарын өз каалоолору менен өткөрүп беришкен.

Мындан тышкары жакында райондогу бардык бала-бакчанын директорлору сынак аркылуу кызматка келип, айрымдары ротацияланат.