Turmush — Каракол шаарында муниципалдык аймак башчылары тарабынан шаар ичинде жайгашкан дүкөндөр, кафелер, ашканалар, коомдук жайлардын көрнөк-жарнактарын жеринде кароо иштери жүргүзүлүп жатат.

Аймактык кабарчы билдиргендей, кемчиликтерди «Кыргыз Республикасынын мамлекеттик тили» жана «Жарнама» мыйзамдарынын талаптарына ылайык келтирүү боюнча кат түрүндө билдирүү берилип, түшүндүрүү иштери жүргүзүдү. Бул иш-чара 23-сентябрь — Мамлекеттик тил күнүнө карата уюштурулду.

Ошондой эле шаардагы мектеп окуучулары арасында Мамлекеттик тил күнүнүн 34 жылдыгына карата Каракол шаарындагы А.Ахматов атындагы № 4 гимназия-мектебинде салтанаттуу иш-чара болуп өттү. Иш-чарада окуучулар «Манас» эпосунун үзүндүлөрүн кыргыз, орус, кытай тилдеринде айтышты.

Мындан сырткары кийизден жасалган буюмдар коюлуп, кыргыз элинин кенже эпосу «Жаныш-Байыш» эпосунан үзүндү көрсөтүлдү. «Кыргыз эл жомоктору», «Кенже эпостор», «Кыргыз санжырасы», «Элдик тамсилдер», тил жөнүнүндөгү китептердин көргөзмөсү өттү.