Turmush — Бүгүн, 25-сентябрда Талас шаарынын борбордук аянтында кырсыктардын тобокелдигин азайтуу күнүнө карата жарыяланган бир айлыктын алкагында 8 штабдык машыктыруу, 9 объектидеги машыктыруу, 12 атайын-тактикалык машыгуу, 13 жарандык коргонуу абалына баалоо өткөрүлдү.

Иш-чаранын алкагында орто мектептин окуучулары арасында куткаруу жана биринчи медициналык жардам көрсөтүү боюнча мелдеш көрсөтүлдү.

Ошондой эле, жарандык коргонуу кызматтары менен биргеликтеги даярдалган өрт, жол кырсыгы учурунда адамдарды куткаруу боюнча практикалык көргөзмөлүү иш-чаралар болуп өттү.

Мындан тышкары Талас облустук ички иштер башкармалыгынын атайын даярдыктагы отряды тарабынан кылмышкерлерди кармоо боюнча практикалык көргөзмөсү көрсөтүлдү.

Ал эми жөө жүрүшкө Өзгөчө кырдаалдар министрлигинин Талас облусундагы башкармалыгынын кызматкерлери ат менен келишти.

Иш-чара маданият кызматкерлеринин концерттик программасы менен коштолду.