Turmush — Бишкектен уурдалган унаа Кемин районундагы унаа жолдон өткөнү камерага тартылып калган. Бул тууралуу жабырлануучу Максат Шамшиев билдирди.

«9-сентябрдан 10-сентябрга караган түнү 3:00-4:00 чамаларында Бишкек шаарындагы Аламүдүн кичи районундагы Көлбаев көчөсүндөгү №5 үйдүн жанынан унаамды уурдап кетишти. Ошол жакта поликлиниканын жанында жаткана бар. Ошол жерде токтоп турган. Унаа бек болчу. Документтери ичинде калган. Милицияга арыз жаздык. Акыркы жолу Кемин районунун тушунан өткөнү видеого түшүп калган. Андан ары Ысык-Көл же Нарынга айдап кетиши мүмкүн», — деди ал.