Turmush — Нарын облусунун Ак-Талаа районунда 130дан ашык эненин катышуусунда энелер күнү салтанаттуу белгиленди. Бул тууралуу аймактык кабарчы билдирди.

Ак-Талаа райондук мамлекеттик администрациясынын адиси Элмира Токтогулованын айтымында, кечээ, 19-май күнү өткөн салтанатка баатыр энелер, аялдар кеңешинин төрайымдары, ардагер мугалимдер, ишкер айымдар жана аз камсыз болгон үй-бүлөлөрдөгү энелер чакырылган. Аларды район акими Жумадилла Жапаров баштаган жетекчилер куттуктады.

Салтанаттын жүрүшүндө айрым энелерге сыйлыктар тапшырылды. Ошондой эле маданият үйүнүн өнөрпоздору тарабынан концерт тартууланды.