Turmush — Ош облусунун аймагында жүргүнчү ташуучу автоунаалар көзөмөлгө алуунуда. Бул тууралуу Ош ОИИБ боюнча жол кыймылынын коопсуздугун камсыздоо бөлүмүнүн басма сөз кызматы билдирди.

Маалыматка караганда, аталган бөлүмдүн техникалык көзөмөлдөө тобунун кызматкерлери тарабынан 8-9-май күндөрү «Автобус» аталышындагы рейд өткөрүлдү.

«Рейд учурунда жол эрежесин бузган 487 айдоочуга протокол түзүлдү. Ошондой эле тиешелүү документи жок унаа башкарган 5 айдоочу, жол белгисине баш ийбеген 166 айдоочу, спирт ичимдигин ичип алып унаа башкарган 24 айдоочу, кошумча жабдылган 2 унаа аныкталды. Рейд учурунда мас абалда унаа башкарып, жүргүнчүлөрдү ташыган коомдук унаалардын айдоочулары кармалды», — деп айтылат маалыматта.