Turmush — Ош шаарында жеңил ойлуу кыздарга карата жүргүзүлгөн иш-аракеттер уланууда. Бул тууралуу Ош шаардык ички иштер башкармалыгынын басма сөз кызматы билдирди.

Жашоочулардан келген маалыматтарга ылайык, 5-декабрь күнү милиция кызматкерлери Ош шаарындагы С.Супаналиев, Ашимахунов, А.Масалиев Курманжан датка көчөлөрүндө жайгашкан кыска мөөнөткө ижарага берилүүчү батирлерди текшерүүгө алышкан. Анын алкагында сойкулук жасаганга шектелип 5 кыз кармалып, милиция бөлүмүнө жеткирилди.

Алардын арасында 2006-жылы Өзгөн районунда төрөлгөн кыз дагы бар. Ал профилактикалык маектешүүдөн соң социалдык жактан коргоо мекемелерине өткөрүлүп берилди.