Turmush — Нарын шаарында коомдук жайларда иштеген балдар аныкталып, алар боюнча тиешелүү талаптарга сунуш каттар берилди. Бул тууралуу Нарын ОИИБдин басма сөз кызматы билдирди.

Маалым болгондой, Нарын шаардык ички иштер бөлүмү «Өспүрүм-Түн» аталышында рейд жүргүзгөн. Иш-чаранын алкагында компьютердик клубдар, тамактануучу жайлар, базар, дүкөндөр текшерүүгө алынып, иштеп жаткан өспүрүмдөр аныкталган. Ал балдар боюнча тийиштүү органдарга сунуш каттар жиберилди.

Андан сырткары кечки рейд учурунда түнкүсүн ата-энесинин же чоң адамдардын коштоосу жок жүргөн жаш балдар ата-энелерине тапшырылып берилди.

Ошондой эле аталган балдар арасында укук бузууларды болтурбоо жана алдын алуу иш-чарасынын алкагында Нарын ШИИБдин балдар иштери боюнча инспекциясынын кызматкерлери аз камсыз болгон жалгыз бой энеге азык-түлүк алып беришти.