Turmush — Чүй облусунун Москва районунун акими Ниязбек Козуев жана мекеме-ишкана жетекчилери кылым карыткан 2 эненин үйлөрүнө барып, президентин куттуктоо баракчасын тапшырып, сый көрсөтүштү. Бул тууралуу аймактык кабарчы билдирди.

Маалым болгондой, райондо 100 миңден ашуун көп улуттуу калк жашаса, 2 эне 100 жаштан жогорку курактагылар. Алар: Беловодск айылынын тургундары — 105 жаштагы Анна Капралова жана 102 жаштагы Бадал Атанбекова. Аларга президенттин атынан куттуктоо баракчасы, жоолук, улуттук кийим жана социалдык баштыктар тапшырылды. Мындан сырткары райондук мамлекеттик администрациясы тарабынан 3 миң сом жана азык-түлүк баштыктары берилди. Ал эми Беловодск айыл өкмөтү тарабынан энелерге миң сомдон акчалай сыйлык берилди.