Turmush — Ноокат районунун Кереге-Таш айылында үй өрттөндү. Бул тууралуу бүгүн, 17-августта ӨКМден кабарлашты.

Маалыматка караганда, кырсык айылдын Кулатов көчөсүндө болгон. Анын кесепетинен үйдүн 80 чарчы метр чатыры, экинчи кабаты толугу менен күйүп кетти.

Өзгөн шаарында «Ауди 100» үлгүсүндөгү жеңил унаанын кыймылдаткыч бөлүгү күйдү.

Кара-Суу районунун Андижан айылында курулуп жаткан имараттын аянты 20 чарчы метр болгон 9-кабатынын шыбы 10-кабатынын полу күйүп кетти. Учурда бул кырсыктардын себеби такталууда.