Turmush — Кечээ, 2-ноябрда Кара-Буура районунда маданият кызматкерлеринин күнү белгиленди. Бул тууралуу акимчиликтен билдиришти.

Маалыматка караганда, райондун Кызыл-Адыр айылындагы «Семетей» кинотеатрында иш-чара уюштурулду. Ага райондогу жетекчилер да катышты. Бир катар маданият кызматкерлерине райондук акимчиликтин ардак грамоталары тапшырылды.

Андан сырткары райондук маданият бөлүмүнө кесиптик майрамына карата Кара-Буура райондук өнүктүрүү фондунан 550 миң сомго музыкалык аппараттын бардык түрү жана музыкалык аспаптар алынып берилди. Кара-Буура райондук маданият бөлүмүнүн кызматкери Накешов Наматбекке Маданият, маалымат спорт жана жаштар саясаты министрлигинин «Маданияттын мыкты кызматкери» төш белгиси ыйгарылды. Иш-чаранын жүрүшүндө сологой ырчы Сооронбек атындагы райондук музыкалык мектебинин окуучуларынын жана кызматкерлеринин коштоосунда концерт тартууланды.