Turmush — Кадамжай районундагы мектептердин мугалимдеринин атынан чек ара кагылышуусунда жабыр тарткандарга жалпысынан 1 млн сомдон ашуун каражатка ар түрдүү жардамдар көрсөтүлдү. Бул тууралуу бүгүн, 11-октябрда Кадамжай райондук билим берүү бөлүмүнөн билдиришти.

Маалыматка караганда, мындан сырткары да райондогу мугалимдер жардам иретинде өз ара чогултушкан каражаттарына аскер кызматкерлерине тиешелүү техникалык жабдыктар сатып беришти. Алар жабдыктар квадрокоптер (дрон), 3 даана дүрбү жана байланыш рациялары.