Turmush — Алай районунун Коңур-Дөбө айыл өкмөтүнүн башчысы болуп Гүлжигит Мадаев дайындалды. Бул тууралуу 18-ноябрда буйрук чыккан.

Алай райондук мамлекеттик администрациясынан билдиришкендей, буга чейин Гүлжигит Мадаев кадрлар резервинде болгон.

Коңур-Дөбө айыл өкмөтүн жетектеп келген Залкарбек Каримов кечээ, 18-декабрда Өзгөн шаарынын мэри болуп дайындалган.

Мадаев Гүлжигит Мурзамидинович 1984-жылы 9-январда Ош облусунун Алай районуна караштуу Кабылан-Көл айылында туулган. Үй-бүлөлүү 3 баланын атасы.

Билими:

— 2008-жылы Ош мамлекеттик университетинин дене тарбия багыты боюнча билим алган.

Эмгек жолу:

— 2008-2010-жылдары Кабылан-Көл интернет клубунда оператор;

— 2013-2019-жылдары Кабылан-Көл айылынын №25 Э.Мурзаев атындагы орто мектебинде мугалим;

— 2015-2019-жылдары Кабылан-Көл айылдык кеңешинин депутаты;

— 2019-жылдын 1-июлунда Кабылан-Көл айыл өкмөтүнүн башчысы болуп шайланган.