Turmush — Кечээ, 5-мартта Чоң-Алай районунун борборундагы спорт комплексте волейбол боюнча жаштар арасында мелдеш өткөрүлдү.

Ош ОИИБдин басма сөз кызматынын маалыматы боюнча, спорттук иш-чарага Чоң-Алай районунда жайгашкан 17 мектептин окуучулары катышты. Мелдеш Чоң-Алай райондук ички иштер бөлүмү тарабынан жаштарды терс адаттардан арылтуу, сергек жашоого үндөө максатында уюштурулду.

Жеңүүчүлөр:

— 1-орун — А.Мурзакулов» атындагы орто мектеби, райондук ички иштер бөлүмүнүн 1-даражадагы диплому, кубогу жана баалуу белектер менен сыйланды;

— 2-орун — А.Саит атындагы инновациялык орто мектеби, райондук ички иштер бөлүмүнүн 2-даражадагы диплому жана баалуу белектер менен сыйланды;

— 3-орун — З.Каримбеков атындагы орто мектеби, райондук ички иштер бөлүмүнүн 3-даражадагы диплому жана баалуу белектер менен сыйланды;

— 4-орун — Кыргызстан орто мектеби, райондук ички иштер бөлүмүнүн 4-даражадагы диплому жана баалуу белектер менен сыйланды.

Ал эми кыздар арасында 16 команда күч сынашты.

Жеңүүчүлөр:

— 1-орун — Ленин атындагы орто мектеби, райондук ички иштер бөлүмүнүн 1-даражадагы диплому жана баалуу белектер менен сыйланды;

— 2-орун — Ташбек уулу Гапар атындагы орто мектеби, райондук ички иштер бөлүмүнүн 2-даражадагы диплому жана баалуу белектер менен сыйланды;

— 3-орун — З.Каримбеков атындагы орто мектеби, 3-даражадагы диплом жана баалуу белектер менен сыйланды;

— 4-орун — С.Осмонов атындагы орто мектеби, 4-даражадагы диплом жана баалуу белектер менен сыйланды.

Андан сырткары «Мыкты чабуулчу», «Мыкты коргоочу» наминацияларынын ээлери тандалып алынып, райондук ички иштер бөлүмүнүн дипломдору менен сыйланды.