Turmush — Баткен облусунун айрым аймактарында электр энергиясы күн сайын бир канча саатка өчүрүлүп жатканы жергиликтүү тургундарды нааразы кылууда.

Алардын айтымында, «Баткен райондук электр тармактары» ишканасына караштуу Апкан линиясында 3 күндөн бери эртең мененки саат 9:00дөн кечки саат 17:00гө чейин электр тогу өчүрүлүүдө. Күн сайын кечки саат 20:00дөн баштап, 21:00гө чейин өчүрүлүп жатат.

• Апкан линиясынан 700дөй кожолук электр тогун пайдаланат.

Ал эми «Баткен райондук электр тармактары» ишканасы бул өчүрүүлөр оңдоо иштери жүргүзүлүп жатканына байланыштуу болуп жатканын билдирди.

• Буга чейин Энергетика министрлиги 8-марттан баштап кыска мөөнөттүү жөнгө салуу иш-чараларын токтотконун кабарлаган болчу.