Turmush — Баткенде 3 айдын ичинде жол эрежелерин бузган айдоочуларга 11611 протокол толтурулду. Бул тууралуу Баткен ОИИБдин Жол кыймылынын коопсуздугун камсыздоо бөлүмүнүн 2024-жылдын 3 айын жыйынтыктоо боюнча кеңешмесинде айтылды.

Маалым болгондой, кеңешмеге Баткен ОИИБдин башчысынын орун басары Бахтияр Балтабаев ЖКККБнын башчысы Мустапакул Назаров баш болгон кызматкерлер катышты. Жол сакчылары тарабынан 3 айдын ичинде жол эрежелерин бузуу фактылары үчүн мамлекеттик бюджетке 5 млн 29 миң 975 сом өндүрүлүп, жол эрежесин бузган айдоочуларга 11611 протокол толтурулган.

Алардын ичинен:

— Унаага тийиштүү документтери жок айдоо – 172 факты;

— Мас абалында авто унаа башкаруу – 221 факты;

— Ылдамдыкты ашыруу – 1261 факты;

— Унаанын алдыңкы жана каптал терезелерин атайын караңгылатуу – 16 факты;

— Коопсуздук курун тагынбай унаа башкаруу – 2940 факты;

— Башка жол эрежесин бузгандар үчүн – 7001 факты;

Ар кандай жол эрежелерин бузгандыгы үчүн 1156 унаа убактылуу айып короо жайына токтотулган.