Turmush — Бүгүн, 9-июлда Баткен шаарындагы борбордук стадиондо Курман айт намазы окулду. Бул тууралуу президенттин Баткен облусундагы өкүлчүлүгүнүн басма сөз кызматы билдирди.

Майрамдык айт намазга президенттин Баткен облусундагы ыйгарым укуктуу өкүлү Абдикарим Алимбаев баштаган жетекчилер жана Баткен шаарынын мэри Имамназар Бурканов, Баткен районунун акими Учкун Жоробаев катышып, жалпы элди айт майрамы менен куттуктады.

Ошондой эле Кыргызстан мусулмандарынын аалымдар кеңешинин мүчөсү Абдүшүкүр ажы Нарматовдун, Баткен облусунун мусулмандар казысы Нуридин ажы Мамасабировдун куттуктоосу жана баяндамалары да айтылды.