Turmush — Алыскы Сырт өрөөнүндө багылып келген топоздор идентификациядан өткөрүлүүдө.

Райондук агрардык өнүктүрүү башкармалыгынын маалыматына ылайык, Жети-Өгүз району боюнча 2023-жылдын мал санагынын жыйынтыгы менен 3902 топоз катталган.

Учурда топоздорду идентификациядан өткөрүү жана вакцинация иштери аяктоо алдында турганы маалым болду.

Ак-Шыйрак айыл аймагынын башчысынын белгилөөсүндө, чарбада 136 топоз болсо, анын 42си туар. Муну менен катар алар быйыл төл жакшы экенин, топоздор жайы-кышы жайытта кармаларын, тоют жеткирүү иштери колго алынганын белгилешти.