Turmush — Ысык-Көл облусунун Ак-Суу районунун аймагындагы негизги унаа жолдордо күнү-түнү дебей мал жүргөнүн көрүүгө болот.

Алар жолдо жүргөн айдоочуларга тоскоолдук жаратып жаткандыктан нааразылыктарын билдиришүүдө. Учурда жайлоодон түшкөн мал талаага жайылып жатат. Кароосуз калган малдар жолго чыгып, айдоочуларга тоскоол болууда.

«Жол кыймылын тескөөчү жана мал баккан киши караш керек. Минтип жолдун ортосуна чейин чыгып жатышат. Жол эрежесин бузуу менен катар кырсыкка алып келип, айрым учурда ажал таап жаткандар да болуп жатат. Мал баккан соң караш керек», — деди алар.