Turmush — Кечээ, 17-август күнү Айтматов районунун Кызыл-Адыр айылындагы «Семетей» кинотеатрында гүл фестивалы болуп өттү, деп билдирди аймактык кабарчы.

Фестивалга райондук мекеме-уюмдардын, мектеп, бала бакчалардын кызматкерлери, гүл өстүргөн апалар катышты.

Иш-чарада бала бакчалардын тарбиячылары жана китепкана кызматкерлери тарабынан кийиз, самын, жемиштерден жасалган гүлдөрдүн көргөзмөсү уюштурулса, жер-жерлерден келген гүл өстүрүүчүлөр өздөрүнүн өстүргөн гүлдөрүн сатыкка коюшту.

Келген конокторго Айтматов райондук билим берүү жана райондук маданият бөлүмдөрү тарабынан уюштурулган концерттик программа тартууланды.