Turmush — Нарын облусунун Жумгал районунун борбордук аянтында куурап калган ийне жалбырактуу дарактар алынып, ордуна жаңылары отургузулду. Бул тууралуу аймактык кабарчы билдирди.

Айыл өкмөттүн маалыматына караганда, ийне жалбырактуу дарактар отургузулган жердин асты цемент болгондуктан куурап калышкан.

Кечээ, 30-май күнү райондук бийликтин тапшырмасы менен айыл өкмөт тарабынан дарактар жаңы отургузулган.

Көчөттөргө күндө суу куюп туруу жагы театр кызматкерлерине жүктөлгөн.

Буга чейин тургундар акимчиликтин маңдайындагы аянтта куурап калган дарактар боюнча нааразычылыгын билдиришкен.