Turmush — Жумгал районунун борбору Чаек айылындагы жолдор кардан тазаланып баштады, деп билдирди Turmush басылмасынын кабарчысы.

Борбордук көчө, ички жана мектеп, бала бакчага барчу жолдор тазаланууда.

Андан тышкары райондун Байзак, Кызыл-Жылдыз, Көк-Ой айылдарындагы кар колдун күчү менен тазаланып жатат. Кызарт ашуусунда да ушундай эле тазалоо иштери жүрүүдө.

Ага райондук №24 жол тейлөө ишканасынын техникалары тартылды.

Кочкор—Жаңы-Арык унаа жолу, Баш-Кууганды—Кызыл-Жылдыз унаа жолу, Миң-Куш—Арал унаа жолу, Көк-Ой—Арал жолу тазаланып, ЖКККБнын өкүлдөрү күчөтүлгөн нөөмөттө иштеп жатат.

Ошондой эле, Арал—Казарман жолунун кооптуу аймактарында 3 пост уюштурулуп, тиешелүү органдардын кызматкерлери иштеп жатат.

Уюштурулган посттордогу кызматкерлер ысык тамак менен камсыздап жатат. Азыр дагы райондо кар жатат.