Turmush — Жалал-Абадд облусунда 4 жаран «Хизб ут-Тахрир» диний-экстремисттик уюмунан баш тартты. Бул тууралуу ОИИБдин басма сөз кызматы билдирди.

Маалыматка караганда, Жалал-Абад ОИИБдин, Ноокен РИИБдин жана Таш-Көмүр ШИИБдин экстремизмге, мыйзамсыз миграцияга каршы аракеттенүү кызматынын кызматкерлери тарабынан түшүндүрүү иштери жүргүзүлгөн. Алар буга чейинки жасаган кадамдары туура эмес экендигин айтып, жаштарды бул жолго барбоого чакырышты.

2023-жылдын 1 ай ичинде ЭММКАК кызматкерлери тарабынан диний экстремизмге каршы 78 жолу профилактикалык иштер жүргүзүлгөн. Алдын алуу максатында уюштурулган иш-чараларга жергиликтүү өзүн өзү башкаруу жана укук коргоо органдарынын кызматкерлери, бейөкмөт уюмдардын өкүлдөрү, жергиликтүү тургундар катышкан.

Кыргыз Республикасынын аймагында 21 экстремисттик жана террористтик уюмдардын ишмердүүлүгүнө тыюу салынган.