Turmush — Талас районунда​ элди​ алдап акча алып жүргөн адам​ кармалды, деп билдирди Талас ОИИБ.

2023-жылдын январь айынан баштап Талас РИИБге Көк-Кашат, Көк-Ой, Козучак, Кумарык, Бал-Бал, Кара-Суу ​айылдарынын тургундарынан​ алдамчылык фактысы боюнча арыздар байма-бай түшүп турган. Ар бир факт Кылмыштардын бирдиктүү реестрине катталып, тергөө башталган. Анын жыйынтыгында Бакай-Ата районуна караштуу Ак-Дөбө айылынын 1986-жылы туулган тургуну Р.К. кармалган. Ал мурда алдамчылык боюнча менен соттолгон.

Текшерүү учурунда шектүү «Талас ТВ» телеканалы аркылуу арзан баада солярка жана ун ​ алып бере турганын, төө бурчакты кымбат баада ала турганын жарыялап, мобилдик капчык аркылуу акча котортуп алганы аныкталды. Бүгүнкү күндө 9 факты боюнча келтирилген материалдык зыяндын суммасы 54 миң сомду түздү.

Аталган фактылар боюнча Кылмыш-жаза кодексинин 209-беренеси (Алдамчылык) менен кылмыш иши козголгон. Шектүү Талас ОИИБдин убактылуу кармоочу жайына киргизилген. Тергөө уланууда.