Turmush — Чүй облусунун Токмок шаарында эки күндөн бери изделип жаткан 6 жаштагы баланын жансыз денеси табылды. Бул тууралуу аймактык кабарчыга шаар тургундары билдиришти.

Буга чейин маалымдалгандай, 2016-жылы туулган А.А. 2023-жылдын 12-майында үйдөн чыгып кеткен бойдон дайынсыз жоголгон. Аны издөөгө куткаруучулар, милиция кызматкерлери жана жергиликтүү тургундар тартылган.

Баланын денеси Чүй суусунан табылган.

Аны тургундар акыркы жолу Новостройка айылындагы Северцова-Парковая көчөлөрүнүн кесилишиндеги балдар ойноочу аянтчадан көрүшкөн.

Маалыматты ӨКМдин басма сөз кызматы да тастыктады.