Turmush — Тогуз-Торо районундагы бала бакчада кошумча тайпа ачылды.

Райондун Казарман айылындагы «Күнчубак» мектепке чейинки билим берүү уюмунда уюштурулган ачылыш аземге район акими Манас Мураталиев баш болгон бийлик өкүлдөрү, ата-энелер жана мугалимдер катышты.

Имараттын оңдоп-түзөө иштерине, жасалгалоосуна жана эмеректерине жалпы 1 млн сомдон ашуун акча каражат Каргалык айыл өкмөтүнөн бөлүнүп берилген.

Иш-чарада сөз сүйлөгөн район акими бакчаларда кошумча тайпаларды ачуу менен кезек күтүүнү жоюп, кошумча жумуш орундарын түзүүгө мүмкүнчүлүк болорун айтты.

«Күнчубак» бала бакчасында 4 тайпага кошумча бир тайпа ачылып, 35 балага ылайыкташты. Анда уктоочу, окуучу, кошумча бөлмөсү бар.

Район боюнча 14 бала бакчада миңдей бала тарбияланат.