Turmush — Ысык-Көл облусунун Тоң районундагы дарыяга май канат (сига) жана жилингир (форель) балыктарынын чабактары коё берилди. Бул тууралуу «Тоң балык өстүрүү заводу» ишканасынын жетекчиси Максатбек Адигеев билдирди.

«Кечээ, 5 апрель күнү жилингир балыгынын 100 миңдеген чабактарын дарыяга салдык. Жалпы жонунан жилингирден быйылкы жылы 330 миңге чукул урук алынды. Бүгүнкү күнү 300 миң даана чабак чыгып, көлдү тегерете куюлду. Мындан сырткары май канат балыгынан 5 миллион чабак чыккан. Ошону дагы көлдүн тегерегиндеги жерлерге бөлүп коё бере баштадык.

Учурда суунун температурасы жылуу», — деди ал.