Turmush — Талас районунун Осмоналиев айыл аймагынын 48 жаштагы майып тургуну Таалай Жапаркуловдун классташтары ага унаа оңдоочу жай куруп беришти. Бул тууралуу Осмоналиев айыл аймагынан билдиришти.

Маалыматка караганда, уста 2 жыл мурун кырсыктап, бир бутунан ажырап калган. Ал ачык асман алдында эле унааларды оңдоп, элге кызмат кылып жүрчү. Ага жардам катары айыл өкмөттүн атынан тетиктерди бошотуучу бурамалар берилди. Демөөрчү Чыңгыз Байкеев тарабынан да керектүү жабдык тапшырылды. ү

Ал эми классташтары үйүнүн алдына техникалык тейлөө үчүн бастырма куруп беришти.