Turmush — Талас шаарында турак жай коммуналдык чарба кызматкерлеринин күнүнө карата мекеме-ишканалардын арасында спорттук спартакиада болуп өттү. Бул тууралуу аймактык кабарчы билдирди.

Аталган мелдеш спортту кеңири жайылтуу жана сергек жашоого үндөө максатында А.Чолпонкулов атындагы №1, №5 орто мектептеринде жана спорт комплексте өткөрүлдү. Ага Талас шаарындагы муниципалдык, коммуналдык чарба кызматтарынан жалпы 7 команда катышып, спорттун волейбол, футбол, эстафета түрү боюнча күч сынашты.

Мелдештин жалпы жыйынтыгы боюнча төмөнкү командалар байгелүү орундарга ээ болушту:

I орунду Талас жылуулук менен жабдуу ишканасы филиалы,

II орунду Талас шаардык электр тармактар ишканасы,

III орунду Талас шаарына коммуналдык кызмат көрсөтүү боюнча муниципалдык ишканасы ээледи.