Turmush — Сузак районунда мыйзамсыз аңчылыкка каршы рейд өткөрүлдү. Бул тууралуу Жаратылыш ресурстары, экология жана техникалык көзөмөлдөө министрлигинен кабарлашты.

Маалыматка караганда, Чымчык-Жар айылында аңчылык кылып жүргөн 4 жаранга текшерүү жүргүзүшкөн. Алардын үчөөнүн аңчылык кылууга жана мергенчилик курал көтөрүүгө уруксат кагазы бар экени, ал эми бирөөнүкү жок экени аныкталган. Уруксаты барлар 1 чөө, 19 жапайы көгүчкөн атышкан. Мындан улам уруксат кагазы жок Г.С. аттуу жарандын мергенчилик куралына акт түзүлүп, куралы алынды. Ал жаранУкук бузуу кодекси боюнча тиешелүү административдик айып пулун төлөй турган болду.