Turmush — Бүгүн,13-февралда Сузак районунда «Эл аман» аталыштагы экинчи дарыкана ачылды, деп билдирди аймактык кабарчы.

Ага КР Саламаттыкты сактоо министрлигинин Жалал-Абад облусундагы координатору Каарманбек Байдавлетов баштаган жетекчилер, дарыгерлер катышты. Анда ал мамлекеттик дарыканалардын ачылышы калктын саламаттыгы үчүн жүрүп жаткан кадам экенин, дары-дармектердин баалары жеке менчик дарыканалардан 15 пайызга чейин арзан турарын жана борбор калаадагы дары-дармектердин баасы менен бирдей экенин белгиледи.

Маалым болгондой, бул дарыкана Жалал-Абад облусу боюнча 11-дарыкана, ал эми республикада 69-дарыкана болуп калды.

Саламаттык сактоо министрлиги тарабынан берилген маалыматка караганда, республика боюнча жалпы 100 мамлекеттик дарыкана ачылат.