Turmush — Ош шаарында уурулукка шектелип өспүрүм жигит кармалды. Бул тууралуу шаардык милициянын басма сөз кызматы билдирди.

Маалыматка караганда, Ак-Буура милиция бөлүмүнө 5 жаран арыз менен кайрылган. Шектүү — Ош шаарынын 2008-жылы туулган тургуну М.А. Ош шаарынын А.Масалиев, У.Салиева, И.Раззаков, Ош, Ж.Райымбеков көчөлөрүндөгү үйлөргө ээси жок учурда кирип, ар кандай ачкычтарды колдонуп, акча жана алтын буюмдарды уурдап жүргөн.

— 1-үйдөн 600 миң сом, 500 доллар;

— 2-үйдөн 600 доллар;

— 3-үйдөн 200 доллар, 300 миң сомдук алтын буюмдар;

— 4-үйдөн 22 миң сом;

— 5-үйдөн 10 миң сом уурдаган.

Бул факттар Ош ШИИБдин электрондук журналына катталып, Кылмыш-жаза кодексинин 205-беренеси (уурдоо) менен кылмыш иш козголгон. Шектүү өспүрүм Ош ШИИБдин убактылуу кармоочу жайына киргизилди.