Turmush — Нарын облустук бириктирилген ооруканасынын төрөт бөлүмүндө хлоргексидин сайылып, жандандыруу бөлүмүнө түшкөн бейтап үйүнө чыгарылды. Бул тууралуу НОБОнун жетекчиси Чыңгыз Нарынбеков билдирди.

Анын айтымында, аталган келин 4 күн мурун үйүнө чыгып, дарыгерлердин көзөмөлүндө болуп жатат.

Ал эми төрөт бөлүмүнүн мурунку башчысы ошол эле бөлүмдө катардагы кызматкер болуп иштеп жатат.

Буга чейин төрөт үйүндө медициналык кызматкерлер 1995-жылы туулган Мирай Жакыповага (кош бойлуу) хлоргексидин сайышканы, ал 2 суткадан бери жандандыруу бөлүмүндө жаткандыгы кабарланган.

Хлоргексидин — сырткы колдонууга арналган антисептик жана дезинфекциялоочу каражат.