Turmush — Чүй облусундагы Кегети капчыгайындагы тоо этегинде 3 чөө атылды. Бул тууралуу Токмок аңчылар жана балыкчылар коомунун мергенчилер бригадасынын жетекчиси Акмал Икрамов билдирди.

Анын айтымында, бул аймакты камыш жана бадал басып, чөөлөр байырлайт.

«Биздин аңчылар бригадасы аталган жырткычтарга ит менен аңчылык кылат. Иттер биздин жардамчылар, алар чөөлөрдүн изине түшүп, камыштардан кубалап чыгарып берет. Акыркы аңчылыкча 3 чөө олжобуз болду», — деди ал.