Turmush — Жети-Өгүз райондук эмгек, социалдык камсыздоо жана миграция башкармалыгына башчысы болуп Гүлбара Жаанбаева дайындалды.

Бул боюнча буйрукка Жети-Өгүз райондук мамлекеттик администрациясынын башчысы—аким Эрмек Бахавадинов кол койду.

Бүгүн, 11-март күнү жаңы кызматка дайындалган Гүлбара Жаанбаева эмгек жамаатка тааныштырылды.

Буга чейин ал Жети-Өгүз районундагы Липенка айыл өкмөтүнүн башчысы болуп эмгектенип келген. Ал Кызыл-Суу айылдык кеңешинин эки жолку депутаты.

Жаанбаева Гүлбара Шаршембиевна 1967-жылы 23-февралда Нарын шаарында төрөлгөн. Үй-бүлөлүү, 2 баланын апасы. Ал С.Нааматов атындагы Нарын мамлекеттик университетинде билим алган.

Эмгек жолу:

— 2004-2006-жылдары — Жети-Өгүз районундагы социалдык коргоо башкармалыгынын жөлөк пулдар бөлүмүнүн адиси;

— 2006-2011-жылдары — Жети-Өгүз районундагы социалдык коргоо башкармалыгынын жөлөк пулдар бөлүмүнүн башкы адиси;

2013–2023-жылдары — Жети-Өгүз райондук эмгек, социалдык камсыздоо жана миграция башкармалыгында үй-бүлөнү жана балдарды коргоо бөлүмүнүн башчысы;

2023-2024-жылдары Жети-Өгүз районундагы Липенка айыл өкмөтүнүн башчысы.