Turmush — Ош облусунун эки районуна айыл чарба логистикалык борбор куруу пландалып жатат. Бул тууралуу президенттин Ош облусундагы өкүлчүлүгүнүн басма сөз кызматы билдирди.

Маалыматка караганда, Чоң-Алай жана Ноокат райондорунда 400 тонналык айыл чарба логистикалык борборлорун куруу пландалууда. Борборлор муниципалдык менчикте болуп, бирок аларды атайын кооперативдер башкарат.

Долбоорлордун жалпы баасы 44 миллион долларды түзөт. Каржылоонун 50%ы Түштүк Кореядагы эл аралык гуманитардык уюм тарабынан, калганы региондорду өнүктүрүү фондунан жана жергиликтүү бюджеттен бөлүнөт.