Turmush — Чүй облусунун Чүй районундагы №24 өрткө каршы-куткаруу бөлүгү өрт өчүрүүчү унаасы менен камсыздалды. Бул тууралуу аймактык кабарчыга райондук мамлекеттик администрациясынан билдиришти.

Маалым болгондой, жаңы техникалар өрткө каршы атайын заманбап жабдуулар жана шаймандар менен жабдылган. Алардын ар биринде сыйымдуулугу 6 тонналык цистерна, өрттү өчүрүүчү көбүк-суюктук толтуруучу жана ар түрдүү кубаттуулуктагы насостор орнотулган.

Өрт өчүрүүчү унаалар «Кырсыктардын тобокелдигине туруктуулукту жогорулатуу» (ERIK) долбоору аркылуу алынган.