Turmush — Кечээ, 22-ноябрда саат 20:00 чамасында Баткен районунда 8 адамдын өмүрү кыйылды. Бул тууралуу Turmush басылмасына өздүк булактар билдиришти.

Алдын ала маалыматка караганда, кырсык Ош—Раззаков унаа жолунун 212-чакырымында (Развилка аймагы) болгон. Ал жерде «Опел» үлгүсүндөгү жеңил унаа менен «Мерседес-Бенц Спринтер» үлгүсүндөгү унаа кагышкан. «Опел» унаасында 5 адам келе жаткан. Кырсыктын кесепетинен 8 адам каза болгон.

Алардын ичинен 5 адам бир үй-бүлөнүн мүчөлөрү экендиги айтылууда. 3 адам ооруканага алып бара жатканда көз жумган. Мерт кеткендердин ичинен 5 адам Бужум айылынын, 2 адам Баткен шаарынын, 1 адам Кара-Булак айылынын тургундары болгон. 1 адам оор абалда ооруканага жеткирилген.

Развилка аймагы Баткен районунун Чоң-Талаа айылында жайгашкан. Ал жерде буга чейин аткезчиликке бөгөт коюу максатында стационардык ведомстволор аралык атайын бекет орнотулуп, иштей баштаган болчу.

Развилка аймагы