Turmush — Баткенде ишкерди алдоо жолу менен ири суммадагы чыгымга учураткан жаран изделүүдө. Бул тууралуу Баткен ОИИБдин басма сөз кызматынан билдиришти.

Маалыматка караганда, Баткен облустук милициясына Баткен шаарынын Базар-Башы кварталынын тургуну арыз менен кайрылып, алдамчылык жолу менен ири суммадагы чыгым алып келген жаранга карата тиешелүү чараларды көрүүнү суранган.

2022-жылдын сентябрь айында кыргыз-тажик чек арасындагы куралдуу кагылышууда талкаланган курулуштарды калыбына келтирүүдө Баткен районунун Ак-Сай айылындагы 57 үйдүн курулушу менен Лейлек районунун тургуну — 1967-жылы туулган Д.К. алектенмей болгон.

2023-жылдын январь, февраль айларында жабырлануучудан мурда товар алып акчасын кайтарып жүргөн мамилесинен пайдаланып, Баткен районундагы темир материалдарын иштетүүчү цехинен жалпы суммасы 1 295 482 сомдук курулуш материалдарын алып, «2023-жылдын 26-мартына чейин акчасын алып келип беремин» деп алдап, убадалаган убактысында акчасын бербестен, байланышка чыкпай, качып кеткен.

Бул факт боюнча Баткен ОИИБдин тергөө кызматы тарабынан 2023-жылдын 16-майында Кылмыш-жаза кодексинин 209-беренесинин 3-бөлүмүнүн (алдамчылык) негизинде кылмыш иши козголуп, издөө жарыяланган.

Баткен ОИИБдин кызматкерлери Б.Б. боюнча маалыматы бар жарандардан төмөнкү номурлар аркылуу байланышууну суранышат: 03622 5-01-24, 0555-57-50-70, 0557-78-62-78.