Turmush — Баткен шаарынын мэриясынын аппарат жетекчиси Кожомбердиев Батырбек Абдимиталипович бүгүн, 23-ноябрда көз жумду. Бул тууралуу мэриядан кабарлашты.

Маалыматка караганда, маркум 43 жашта болчу. Ал бүгүн Баткен шаарында акыркы сапарга узатылат.

— — — — — — — — — — — — — — — — —

— Батырбек Кожомбердиев 1980-жылы 22-августта Баткен районунун Таян айылында жарык дүйнөгө келген. Адистиги боюнча юрист. Муниципалдык кызматтын 3-класстагы инспектору болгон.

— Алгач эмгек жолун 2004-жылы Баткен РЭС ишканасынын юристи болуп иштөө менен баштаган. Аталган ишканада 2012-жылга чейин эмгектенген.

— 2013-2016-жылдары Баткен шаардык мэриясынын алдындагы муниципалдык менчик департаментинин юристи болуп иштеген.

— 2018-жылы Баткен шаарынын мэриясынын юристи, башкы адиси кызматтарын аркалаган.

— 2020-жылдын 16-октябрынан Баткен шаарынын мэриясынын уюштуруу иштери жана кадрлар бөлүмүнүн башчысы болгон.

— 2020-жылдын 12-июлунан тарта Баткен шаарынын мэриясынын аппарат жетекчиси административдик муниципалдык кызматын аркалап келген.