Turmush — Баткен шаарында уурулук кылмыштын бети ачылды. Бул тууралуу Баткен ОИИБдин басма сөз кызматы кабарлады.

Маалыматка караганда, шаардын Кызыл-Жол кварталынын 54 жаштагы тургуну милицияга кайрылып, 2-марттан 3-мартка караган түнү белгисиз адамдар анын 70 миң сомдук баш бодо малын уурдап кеткенин билдирген. Бул факты Баткен ШИИБде Кылмыш-жаза кодексинин 205-беренеси (уурулук) менен катталып, сотко чейинки өндүрүш иши ачылган. Баткен ШИИБдин кызматкерлери тарабынан кылмышка шектелип Кадамжай районунун Исхак-Полотхан айыл аймагынан Баткен шаарынын 20 жаштагы Ф.С., 24 жаштагы Т.М. жана 22 жаштагы Т.Д. аттуу тургундары кармалды. Уурдалган бодо мал өз ээсине кайтарылып берилди.

Учурда тергөө иштери жүрүп жатат.