Turmush — Таласта жер айдоо, себүү иштери башталды. Бул тууралуу жергиликтүү тургундар билдирди.

Бакай-Ата районунун тургуну Бекнур Асылбековдун 1 гектар жерге 30 литр солярка куюп жатышат.

«Биз 4 гектар жер иштетебиз. 17-апрель күнү жерди айдатып, бүгүн төө буурчактын уругун септирип жатабыз. Айдоо иштеринде 1 гектар жерге 30 литр солярка менен 1500 сом акысын бердик. Ал эми, жерди тегиздетүүгө (планировка) деп коёт ал иштерге 1 гектарына 700 сом жана 10 литр соляркадан эсептеп бердим. Бүгүн себүү иштерине 1 гектар жерге 10 литр солярка 700 сомдон акча бердим. Жалпы 4 гектар жерге айдоого 120 литр солярка, 6 миң сом акча. Тегиздетүүгө 40 литр солярка 2800 сом акча. Себүүгө 40 литр бензин 2800 сом акчасын бердим. Бирок быйыл аябай тобокелге салып себип койдук. Өткөн жылдары май айынын башында септиргенбиз. Быйыл жаз эрте келип, апрелдин ортосунда болуп жатат», — деди дыйкан.