Turmush — Жалал-Абад шаарында рубль февраль айынан бери 1 сомго чыкты. Аймактык кабарчы калаадагы банктарды жана акча алмаштыруучу жайларды кыдырып, бааларды билип келди.

Доллардын куну көтөрүлгөнү байкалат. Калаадагы банктар 1 рублду 1 сомдон сатып алып, 1 сом 10 тыйындан сатып жатышат. Ал эми 1 доллардын наркы 88 сом 50 тыйын (сатып алуу) жана 90 сом 50 тыйын (сатуу) болууда.

Акча алмаштыруучу жайларда 1 рубль 1 сомдон, ал эми доллар 88 сомдон сатылып жатат. Доллар менен катар евронун да баасы жогорулады. Банктарда 1 евро 97 сом 50 тыйындан сатылып алынып, 99 сом 50 тыйындан сатылып жатат.

Жалал-Абадда рубулдун куну февраль айынын аягында 0,65 тыйынга түшкөн.