Turmush — Талас шаарында 1 кг ашкөктүн (укроп) баасы 700 сом болуп жатат. Бул тууралуу жергиликтүү базардагы жашылча сатуучулар кабарлады.

«Учурда 1 кг 700 сомдон 1000 сомго чейин болуп жатат. Бизде күнөсканаларга массалык түрдө ашкөк тиккендер дээрлик жок. Ошондуктан Ташкенттен алып келебиз. Мындан 2 апта мурун ал жакта дагы токтоп калып, анын 1 кг баасы 1000 сом болду. Ошол баа кээ бир соодагерлерде дагы деле сакталып турат. Ал эми эң арзанын 1 кг 700 сомдон сатып жатабыз.

Ашкөк салкын жерде сакталат. Өтө жылуу, өтө муздак абаны жактырбайт. Келгенде, граммдап бөлүп, баштарын аба кирбеген пакеттерде, сөңгөгүн сууга салып сактайбыз», — деди ал.

Помидор, бадыраң 1 кг — 240 сом;

Пияз 1 кг — 50 сом;

Перец 1 кг — 260 сом;

Сабиз 1 кг — 35-40 сом;

Картошка 1 кг — 35-40 сом;

Алма —30 сомдон 50 сомго чейин.