Turmush — Нарын районунун Миң-Булак айыл аймагына караштуу алыскы жайлоолорго баруучу унаа жолдор калыбына келтирилип жатат. Бул тууралуу аталган айыл аймактан кабарлашты.

Маалыматка караганда, Байдулуу, Чуңкур-Суу, Эки-Чат жана Көк-Торпок жайлоолоруна барчу жол каттамдары калыбына келтирүү иштери жүрүүдө. Бул иштерге айыл өкмөттүн алдындагы муниципалдык ишкананын техникаларын тартылып, жолду түздөө, сүртүү, суу түтүктөрүн орнотуу, суу жээктерин бекемдөө жана башка тийиштүү иштер жүргүзүлүп жатат.