Turmush —

Бүгүн, 6-майда Ысык-Ата районунда унаа кырсык катталды. Бул тууралуу күбөлөр билдиришти.

Маалыматка караганда, кырсык саат 13:50 чамасында Бишкек—Нарын—Торугарт жолунун Кең-Булуң айылынын тушундагы тилкесинде болгон.

Ысык-Ата райондук дарыгерлердин жалпы практикалоо борборунун маалыматына караганда, аталган кырсыктан 2 киши каза болду. Бир киши кырсык болгон жерден, экинчиси ооруканага жетпей көз жумган.

Ооруканага башка жабырлануучулар кайрылган эмес.