Turmush — Москва районуна караштуу Садовой айылынын тургуну Халима помидор көчөтүнүн 16 сортун өстүрүп сатыкка чыгарды. Аймактык кабарчы дыйкан айым менен таанышты.

Анын айтымында, көп жылдан бери дыйканчылык менен алектенишет.

«Жаз алды менен мөмө-жемиштердин көчөтүн өстүрдүк. 16 сорттогу помидор көчөтүн даярдадык. Алар «черный принц», сливка жана башкалар.

Мындан сырткары бадыраң, капуста жана башка жашылчалардын да көчөттөрү бар. Аларды 1,5-2 сомдон сатып жатам. Сезондо 100 миңге чейин киреше тапса болот», — деди ал.

Ошондой эле райондук борбордук базарында гүлдүн түрдүү сорттогу көчөттөрү сатылууда. Короо-жайды, көчөлөрдү көрккө бөлөгөн петуния гүлү кардарларды кызыктырууда. Анын желим идиштеги баасы 35 сом.