Turmush — Араван районунда унаа менен ээнбаштык жасаган айдоочу кармалып, 15 миң сом айып пул салынды. Бул тууралуу Ош облустук Жол кыймылынын коопсуздугун камсыздоо бөлүмүнүн басма сөз кызматы билдирди.

Маалым болгондой, буга чейин социалдык тармактарга Араван районунунун борбордук аянтында «Мерседес Бенц» жана «Дэу Матиз» үлгүсүндөгү унаалар эрежелерди бузуп жатканы тартылган видео тараган. Араван райондук жол кыймылынын коопсуздугун камсыздоо бөлүмчөсүнүн кызматкерлери тарабынан бүгүн, 4-май күнү «Мерседес-Бенц» үлгүсүндөгү унаанын айдоочусуна протокол түзүлүп, 15 миң сом айып пул салынды.

Буга чейин «Дэу Матиз» үлгүсүндөгү унаанын айдоочусуна да айып пул салынган.