Turmush — Бүгүн, 4-январда Жалал-Абад облусунун Сузак районундагы Күмүш-Азиз айыл өкмөтүнө караштуу Ырыс айылында өрт кырсыгы катталды. Бул тууралуу ӨКМдин басма сөз кызматынан билдиришти.

Маалыматка караганда, окуя болгон жерге Сузак районунун №65 бөлүмүнөн 1 өрт өчүрүүчү бөлүм чыгып кеткен. Саат 06:12де өрт локализацияланып, саат 07:01де толугу менен өчүрүлгөн.

Анын кесепетинен үйдүн чатыры күйгөн. Көмүр кычкылына ууланган 1971-жылы туулган Ч.З.нын (эркек) жансыз денеси ошол жерден табылды.

Учурда өрттүн себептери такталууда.