Turmush — Чүй облусунун Ысык-Ата районуна караштуу Новопокровка айылынын тургуну Шермат Жакиев ардагерлер арасында өтүп жаткан эркин күрөш боюнча дүйнө чемпионатында 2-орунду алды.

Өзүнүн айтымында, дүйнө чемпионатына биринчи жолу катышып, Казакстан, Америка, Франция жана Болгариядан келген спортчулар менен күч сынашкан.

Спортчу 1982-жылы 20-ноябрда Кант шаарында туулган. Кыргыз мамлекеттик дене тарбия жана спорт академиясын аяктаган. Дзюдо, грек-рим, эркин күрөш менен машыгып келген. Учурда эркин күрөш боюнча балдарды машыктырып жатат.

Дүйнө чемпионаты Грециянын Лутраки шаарында өтүп жатат.